SHKUP- Para shpërbërjes së parlamentit, VMRO-DPMNE dëshiron që të disiplinojë deputetët e përbërjes së ardhshme parlamentare në rast se ata vendosin të bojkotojnë punimet e parlamentit.

Sipas mediave maqedonase, me ndryshimet dhe plotësimet në ligjin për deputet që pritet të propozohen të mërkurën nga grupi parlamentar i partisë së Nikola Gruevskit, parashikohet që deputetët që do të bojkotojnë në të ardhmen parlamentin të marrin vetëm një të tretën e rrogës mujore.

BDI nuk i është bashkangjitur një iniciative të tillë, edhe pse është kërkuar mbështetja e tyre nga ana e VMRO-DPMNE-së.

Ndërkohë me ndryshimet në ligjin për deputet parashihetqë tre deputetëve nga diaspora tu sigurohen gjashtë udhëtime zyrtare brenda vitit si dhe banesa.

Deri në shpërbërjen e parlamentit VMRO-DPMNE pritet të miratojë edhe 103 ligje që kanë të bëjnë me administratën publike, të cilat janë premtim parazgjedhor që nga viti 2008