Një person ka vdekur dhe një tjetër rëndë është plagosur në incidentin e armatosur që mbrëmë ndodhi në afërsi të vendkalimit kufitar në Qafë Thanë në Strugë. Sipas njohurive të para të MPB-së, babai dhe djali i tij nga fshati Dollogozhdë e Strugës, janë sulmuar nga një i afërm i tij i cili menjëherë është larguar nga vendi i ngjarjes. Policia pas një kohe të shkurtër ka gjetur dhe privuar nga liria sulmuesin, ndërsa në bisedë informative ka marrë disa persona dëshmitarë në vendin e ngjarjes. Arsyet e incidentit ishin për shkak të çështjeve të pazgjidhura pronësore. Nga MPB-ja njoftojnë se sot do të ngrisin padi penale ndaj sulmuesit.  Babai dhe djali menjëherë janë transferuar në spitalin e qytetit të Strugës. Për shkak të lëndimeve të rënda dhe gjakderdhjes së madhe prindi ndërroi jetë, ndërsa djali i tij lufton për jetë. MIA